Posts

成為澳洲永久居民!

我尋日終於都批咗PR 190 Visa, 成為澳洲嘅永久居民!  成個過程有血有汗有淚(累),同大家一齊重溫下… Timeline update: 19/4/2021 VIC 190 PR visa 獲批! 3/3/2021 body check  2/3/2021 申請良民證 26/2/2021 CO contact 13/12/2019 申請VIC 190 PR visa application 13/11/2019 收到VIC 190 nomination 31/10/2019 由於仲未收到VIC nomination, 唯有開始溫習CCL,因之前book 咗12月飛去澳洲考… 9/9/2019 申請 VIC 190  nomination  6/9/2019 經過我同我律師嘅窮追猛打下,十個工作天就攞到個RN牌,收到AHPRA In-principle Approval!!  26/8/2019 Lodge EOI (75+5) 申請VIC 190,12個鐘後收到VIC 190 nomination pre-invitation!!! !但係我仲未有RN 牌,要14日內批到RN 牌先可以lodge VIC 190 application.. 同日AHPRA確認收到我份application form 13/8/2019 ANMAC 批咗full skills assessment! 四個工作天搞掂!同日入咗EOI (75+5) 申請NSW 190 8/8/2019 ANMAC 收到我嘅文件 30/7/2019 第三次考PTE, 考到PTE 9! 6/7/2019 第一次考PTE,考到7,揾咗澳洲移民律師開始搞澳洲RN 牌(AHPRA)同full skills assessment (ANMAC) 29/6/2019 開始搞澳洲技術移民嘅第一步:補習PTE

以生命影響生命

Image
每隔一段時間,就會有網友返嚟多謝我,睇到你哋成功,我都好開心。講真,大家素未謀面都肯相信我,應該係我要多謝返你哋至啱。 除咗成功考到PTE 79+,仲有啲網友已經成功攞到visa invitation! 從來冇諗過自己嘅說話會有咁大影響力,印象最深嘅成功例子係其中一位網友當時直頭係因為我嘅分享去改機票改假期改行程去ACT 住7晚 (可加ACT Matrix 5分,ACT Matrix 係首都Canberra 嘅獨立計分系統),最後成功趕上最後一班火車,攞到ACT 190 visa invitation! 睇住大家成功,真係好滿足,亦係我繼續寫post 嘅動力。有網友話我以生命影響生命,的確呢個係我一直以來嘅信念。 利申:我唔係持牌移民顧問 ,但係我諗我識嘅嘢畀大部分香港所謂「移民顧問」都多 (遲啲會寫一篇關於移民路上點樣避免中伏,當中會講下無牌移民顧問)。 我只係分享自己經歷同埋澳洲移民資訊,希望幫到大家,香港人加油!

香港護士移民澳洲step by step 教學

HK trained RN (EN 唔得)係可以直接攞澳洲護士牌,但要記住攞到澳洲護士牌係唔等於你可以移民澳洲,而且護士要移民澳洲唔一定要有護士牌,而係一定要有skills assessment,簡單講,即係要評估你有冇「護士」呢樣技術。而skills assessment 係可以同步同申請澳洲護士牌一齊做,唔一定要先申請護士牌。 即係話: 1. 首先考英文,要有IELTS all 7 equivalent,英文唔好可以考OET 或 PTE,個人建議考PTE,因為PTE 可以畀英文差嘅人考到高分,去幫自己加20分移民分(好似我咁,會考D,但一個月內補習加溫習,考到滿分PTE 9) 2a. 然後就係交文件去ANMAC 做full skills assessment (https://www.anmac.org.au/skilled-migration-services/full-skills-assessment) 2b. 同步交文件去AHPRA申請澳洲護士牌(https://www.nursingmidwiferyboard.gov.au/Registration-and-Endorsement/International/Completing-the-Self-check.aspx) 3. 攞到Skills assessment 後,已經可以入EOI 申請澳洲技術移民,有某啲state 嘅190, 491 nomination 要求一定要有Australian RN license or in-prinicple approval,例如VIC 190 希望幫到大家,香港人加油!

Visa 190 簡介

Image
Visa 190即係州政府擔保簽證,幫你加5分移民分,即係如果你本身得60分,如果洲政府肯擔保你,就會變成60+5=65分,會由冇資格申請技術移民變成有資格。 190 同樣係PR,同189一樣只要住夠四年就可以申請入籍。 但係州政府既然肯擔保你,你梗係要報答返佢,一般嚟講,州政府會要求你移民澳洲後要住喺佢個洲入面任何一個地方兩年,即係話你亦都可以住喺主要城市入面,例如你攞到NSW 190,你就可以住Sydney. 咁最低要求要幾分先可以申請到190呢?答案係:冇人知。 因為Visa 190同189唔同,完全係黑箱作業,幾時invite、invite咩職業、幾多分invite係唔會公開,一啲都唔透明。你只可以去洲政府網頁睇下自己職業係咪in demand 去估下自己有冇機會收到visa 190 invitation 好彩嘅係,間中有人會向個別洲政府提出Freedom of Information Request攞visa 190 invitation 資料。我手上都有幾個唔同洲政府2019年1月- 9月嘅NSW 同VIC 190 invitation資料(上圖係其中一份)。如果大家想知道NSW 同VIC 190幾時invite、invite咩職業、幾多分invite,可以留言190,我就會send 畀你參考。

Visa 189 簡介

Image
Visa 189 簡介 Visa 189 係最好嘅獨立技術移民簽證,因為佢係Permanent Resident (PR),只要住夠四年就可以申請入籍,攞澳洲護照。而且189冇任何限制,你鍾意去邊一個城市都可以,包括三大主要城市:Sydney, Melbourne & Brisbane 但當然好野係大把人爭,所以佢係最難申請,根據最新(Feb 2020 invitation round)移民局資料顯示, 非熱門職業最低要求要有90分先至有機會收到邀請。而熱門職業就要85-95分。 通常每個月嘅十號移民局就會send invitation, 然後喺呢個網站update: https://immi.homeaffairs.gov.au/visas/working-in-australia/skillselect/invitation-rounds

澳洲技術移民懶人包

Image
要申請澳洲技術移民,首先要計下自己有幾多分,參見上表。澳洲移民局最低要求要有65分,但當然喺而家移民政策越來越收緊嘅情況之下,65分未必咁易申請到技術移民簽證,我之後會喺逐一簡單介紹不同簽證同埋佢近期嘅要求嘅分數。 我喺表入面用黃色highlight咗幾個items, 呢啲係我哋一般香港人,從來都冇去過澳洲讀書或者做嘢,而又有可能加分嘅items 咁到底點樣先至可以攞到最高分呢? 年齡 最高分嘅年齡係25至32歲, 有成30分 英文能力 呢個係大家都一定要努力奮鬥嘅首要項目,因為superior English 呢20分已經係全世界所有想移民澳洲嘅人都會去爭取嘅分數。而且已經好多人已經利用PTE(根本唔係考英文嘅考試) 考到, 我遲啲都會寫一篇關於PTE嘅分享文 工作經驗 注意一定要畀特定機構評估咗你嘅工作經驗先至計,唔同職業要搵返唔同嘅評估機構。例如你做咗10年同一份工,但係經評估後可能你只係得番8年。 學歷 只要你係大學畢業就有15分, 讀埋博士就有20分不過我相信冇乜人會讀博士… 翻譯能力 只要 考翻譯試ccl合格就攞到5分

四個半月獲得澳洲技術移民邀請 (PR VISA 190)

簡單分享下我個極速澳洲技術移民故事先: 29/6/2019 開始補習PTE , 我係典型香港學生,英文一般般(會考攞D), 尤其speaking最差(會考同A-Level都係D, IELTS 只有6.0),所以當時決定用錢買時間直接搵補習 6/7/2019 第一次考PTE,考到7,開始搞澳洲RN 牌(AHPRA)同full skills assessment (ANMAC),準備緊文件嘅時候,諗住爭取快啲批,所以揾咗個澳洲移民律師 22/7/2019 第二次考PTE,考listening 時,其中一枝水筆竟然考考下寫唔出!!!搞到我得返90秒做成份卷佔分最重嘅WFD!! 仲要今次有四題!最後只做到三題…第四題連題目都聽唔到就夠鐘!好嬲!只要畀多30秒我做埋第四題,我就考到PTE 8,唔使再考😖 30/7/2019 第三次考PTE,Speaking 明顯比第二次考失準,疾咗三四次,Retell lecture 其中一題完全聽唔明,求其9 up 咗啲嘢…之後有一秒諗過放棄,但我本移民字典係冇放棄呢兩個字!繼續盡全力做Writing, Reading 同Listening ! 最後,我竟然考到9! 8/8/2019 ANMAC 收齊文件,然後律師每日打電話去催 13/8/2019 ANMAC 批咗full skills assessment! 四個工作天搞掂!同日入咗EOI (75+5) 申請NSW 190 26/8/2019 凌晨0時自己偷偷地入咗EOI (75+5) 申請VIC 190,因為律師話AHPRA未批RN 牌畀我,一直叫我唔好申請VIC 190住 26/8/2019 中午12點,收到VIC 190 pre-invitation!!!! 我一路以為嗰封係System generated acknowledgment email 通知我已經收到我個VIC 190申請,隔咗幾個鐘再睇返先知道我原來十二個鐘頭後就收到pre-invitation!!我要14日內(deadline 係9/9/2019)申請VIC 190 nomination, 但係我仲未有RN 牌!即刻周圍問唔同agents 意見,問咗十個,十個都叫我放棄,佢哋話AHPRA 冇可能喺兩星期內批RN 牌………唯有揾我律師求救,佢竟然冇鬧我自己偷偷地申請VIC 190